როგორ ავარჩიოთ გათბობის ქვაბი | Mira.ge

შესვლა

გთხოვთ შეავსოთ ყველა ველი

მომხმარებელი ან/და პაროლი არასწორია

დაგავიწყდა პაროლი?

პაროლის აღდგენა

გთხოვთ შეავსოთ ყველა ველი

არასწორი იმეილის ფორმატი

მომხმარებელი ან/და იმეილი არასწორია

შესვლა

ახალი პაროლი გამოიგზავნება თქვენს იმეილზე.

ავტორიზაციის შემდგომ გთხოვთ შეცვალოთ პაროლი.

როგორ ავარჩიოთ გათბობის ქვაბი

10 ნოე. 2015

გათბობის სისტემაში ქვაბს უჭირავს ცენტრალური ადგილი. თანამედროვე ქვაბი გამოირჩევა კომპაქტური ზომებით, საუკეთესო დიზაინით და იდეალურია ბინებისა და კერძო სახლების გათბობისა და ცხელი წყლით მომარაგებისთვის.

გამოვყოფთ ქვაბების შერჩევის ძირითად კრიტერიუმებს და შემდეგ განვიხილავთ ცალ-ცალკე.

1)      წვის კამერის ტიპი: ღია და დახურული

2)      კონტურების რაოდენობა: ერთკონტურიანი და ორკონტურიანი

3)      თბომცვლელის მასალა და მოდიფიკაცია

4)      ქვაბის სიმძლავრე

 

წვის კამერის ტიპი

ღია წვის კამერის მქონე ქვაბები ჟანგბადს წვისთვის ღებულობენ იმ შენობიდან, სადაც არიან განთავსებულები, ნამწვი კი გამოიტყორცნება კვამლსადენიდან. ამ დროს 1 მ3  გაზის წვისთვის საჭიროა 12 – 15 მ3 ჰაერი, რაც მუდმივად უნდა იყოს სათავსოში, სადაც ქვაბია მოთავსებული.

დახურული წვის კამერიანი გათბობის ქვაბები დაკომპლექტებულია ვენტილატორით, სპეციალური კვამლგამწოვი და ჰაერის შემომტანი სისტემით.  მისი უპირატესობა არის ის, რომ არ წვავს შენობის შიგნით არსებულ ჟანგბადს და არ მოითხოვს ჰაერის შემოდინებას. ამ შემთხვევაში წვისთვის საჭირო ჟანგბადი შემოდის შენობის გარედან. ამიტომ, მსგავსი ქვაბები ძირითადად გამოიყენება ბინების გასათბობად.

 

კონტურების რაოდენობა

ერთკონტურიანი გათბობის ქვაბები გამოიყენება მხოლოდ რადიატორების გათბობისთვის და გააჩნია მხოლოდ ერთი, წყლის გაცხელების კონტური.

ორკონტურიანი გათბობის  ქვაბები უზრუნველყოფენ, როგორც შენობის გათბობას, ისე ცხელი წყლით მომარაგებას. ცხელი წყლის ჩართვისას გათბობა დროებით ითიშება, რადგან ცხელი წყლით გათბობაზე მიდის  ქვაბის მთელი სიმძლავრე. თუმცა, იმის გამო, რომ რადიატორი სწრაფად არ ცივდება, სითბოს დანაკარგები შეუმჩნეველია. თუ მუდმივად გვჭირდება ცხელი წყალი, მაშინ დაგვჭირდება ცხელი წყლის დამაგროვებელი ბოილერი, სადაც ცხელი წყლის მარაგები მუდმივად იქნება.

იმისათვის, რომ არჩევანი გავაკეთოთ ერთ ან ორკონტურიან ქვაბებზე, უნდა გავითვალისწინოთ მოთხოვნა ცხელ წყალზე. თუ დიდი რაოდენობით ცხელი წყალი გვჭირდება, მაშინ არჩევანი ერთ კონტურზე უნდა გავაკეთოთ და დამატებით მივუერთოთ ცხელი წყლის ბოილერი. თუ ზომიერად გვჭირდება ცხელი წყალი, მაშინ სავსებით მისაღებია ორკონტურიანი ქვაბები. 

ზოგადად წყლის ერთი ონკანი წუთში ატარებს 6,7ლიტრ წყალს. ცხელი წყლის კომფორტულ ტემპერატურად მიჩნეულია  40 °C . აღნიშნული ტემპერატურის მისაღებად გასათვალისწინებელია ონკანში შემავალი წყლის ტემპერატურა. თუ წყლის ტემპერატურა 15 °C -ია, მაშინ 40-მდე გასაცხელებლად დაგვჭირდება წყლის 25 °C -ით გაცხელება.  25 °C -ით წყლის გაცხელების შემთხვევაში Robello-ს ქვაბები წუთში გვაძლევენ:  16 კვტ. - 8 ლიტრი ; 24 კვტ. - 12 ლიტრი ; 28 კვტ. - 14 ლიტრი ; 32 კვტ. – 16 ლიტრი; 36 კვტ. – 18 ლიტრი; 40 კვტ. – 20 ლიტრი.

აქედან შეგვიძლია დავასკვნათ, რომ ცხელი წყლის საშუალო მოხმარების (6,7- ლ/წთ) პირობებში,  Robello-ს ქვაბებს 28 კვტ.-დან ზემოთ ერთდროულად შეუძლიათ ცხელი წყალი მოგცენ არა ერთ, არამედ ორ და 40 კვტ-ს შემთხვევაში, სამ წერტილშიც.

 

თბომცვლელის მოდიფიკაცია

კედლის ქვაბებში გამოიყენებენ მონოთერმულ ან ბითერმულ თბომცვლელებს.

მონოთერმული თბომცვლელი გამოიყენება გათბობის კონტურისათვის. ის შედგება მილებისა და მორჩილული სპილენძის ფირფიტებისგან. ასეთი ტიპის ქვაბებში ცხელი წყლის მისაღებად გამოიყენება დამატებით მეორე თბომცვლელი.

 

 

 ბითერმული თბომცვლელი - შედგება კოაქსილური ორმაგი მილის და სპილენძის ფირფიტოვანი თბომცვლელისგან.

 შიგა მილი გამოიყენება ცხელი წყლის, ხოლო გარე - გათბობის კონტურისთვის. ასეთი თბომცვლელები არ საჭიროებენ დამატებით ჰიდრავლიკურ კვანძებს, სამსვლიან სარქველსა და მეორე თბომცვლელს. ეს აიაფებს ქვაბის ღირებულებას, მაგრამ აქვს ნაკლოვანებები. უარყოფით მხარედ ითვლება ის, რომ ცხელი წყლის რაოდენობას შეზღუდულად იძლევა. შესაბამისად, ნაკლებ ცხელ წყალს ვღებულობთ ვიდრე ქვაბებში, რომლებსაც მეორე თბომცვლელი აქვთ. გარდა ამისა, ასეთი ქვაბების გამოყენება არაა რეკომენდირებული ხისტი წყლის შემთხვევაში (წყალი რომელიც შეიცავს ჭარბ მარილებს). გათბობისა და ცხელი წყლის კონტურებში წყლის ტემპერატურის ცვალებადობა იწვევს თბომცვლელში მარილების ინტენსიურ გამოლექვას.

ქვაბის სიმძლავრე

ქვაბის შერჩევისას გასათვალისწინებელია სიმძლავრის ფაქტორი. მიახლოებითი სიმძლავრე გასათბობი ფართისთვის, შეიძლება გამოვთვალოთ შემდეგნაირად: 1 კვტ 10 მ2 ფართობისთვის. ეს იმ შემთხვევაში თუ თქვენი სამეზობლო ბინებიც თბება, ან არ არის კუთხის ბინა. თუ არ თბება მომიჯნავე კელდები, ამ შემთხვევაში დაგჭირდებათ 1,2 -1,5 კვტ. 10მ2 -ზე. რადგანაც ცხელი წყლის მიღებას უფრო მეტი ენერგია სჭირდება ვიდრე გათბობას, ქვაბის არჩვევისას უნდა გავითვალისწინოთ მაქსიმალური სიმძლავრე. 

 

ცენტრალური გათბობის ქვაბები იხილეთ ბმულზე >> https://mira.ge/p/heatings 

 

 

 

 

 

სხვა სიახლეები



title

07

თებ


2017

იატაკის გათბობის შესახებ

title

01

ნოე


2016

კონდენსაციური ქვაბის ტექნოლოგია და უპირატესობები

title

01

ნოე


2016

Master-ის ინდუსტრიული დანიშნულების გამათბობლები

ყველა სტატია