იატაკის გათბობის შესახებ | Mira.ge

შესვლა

გთხოვთ შეავსოთ ყველა ველი

მომხმარებელი ან/და პაროლი არასწორია

დაგავიწყდა პაროლი?

პაროლის აღდგენა

გთხოვთ შეავსოთ ყველა ველი

არასწორი იმეილის ფორმატი

მომხმარებელი ან/და იმეილი არასწორია

შესვლა

ახალი პაროლი გამოიგზავნება თქვენს იმეილზე.

ავტორიზაციის შემდგომ გთხოვთ შეცვალოთ პაროლი.

იატაკის გათბობის შესახებ

07 თებ. 2017

იატაკის გათბობა (იატაკქვეშა გათბობა) თქვენს სახლში სრული კომფორტის შექმნისკენ გადადგმული მნიშვნელოვანი ნაბიჯი იქნება. ამ სტატიაში გაგაცნობთ იატაკის გათბობის დადებით და უარყოფით მხარეებს და რჩევებსაც მოგცემთ. 

იატაკის გათბობის დადებითი მხარეები:

  1. სითბოს თანაბარი განაწილება, მეტი კომფორტი  - ცენტრალური გათბობის რადიატორები კონვექციური პრინციპით მუშაობენ. ცხელი წყალი ჯერ ათბობს რადიატორს, შემდეგ მის გარშემო არეალი თბება და სითბო ოთახის ზედა შრეებისკენ მიდის. გარკვეული პერიოდის შემდეგ მთელი ოთახი თბება. იმისთვის რომ ოთახი სრულად გათბეს რადიატორი საკმარისად უნდა გაცხელდეს. რადიატორისგან განსხვავებით იატაკის გათბობა ეგრედწოდებულ „რადიაციულ“ პრინციპს იყენებს - იატაკი თბება და იატაკიდან გამოსხივებული სითბო ოთახში თანაბრად ნაწილდება ქვემოდან ზევით. ეს საშუალებას გვაძლევს სისტემა წყლის უფრო დაბალ ტემპერატურაზე ვამუშაოთ, მეტი კომფორტი მივიღოთ და ხარჯიც შევამციროთ. 
  2. შემცირებული ხარჯი - იატაკის გათბობა ექსპლუატაციისას უფრო ეკონომიურიცაა. იმის გამო, რომ სისტემის წყლის ტემპერატურა უფრო დაბალია და სითბოც თანაბრად ნაწილდება, ცენტრალური გათბობის ქვაბი უფრო ეფექტურად მუშაობს. სისტემა გაცილებით ეკონომიური ხდება კონდენსაციური ქვაბის პირობებში. ამ შემთხვევაში ხარჯი 20-30%-ით ნაკლებია.
  1. ვიზუალი - რადიატორებისგან განსხვავებით, იატაკქვეშა გათბობა თქვენი ბინის ინტერიერში საერთოდ არ გამოჩნდება.

იატაკის გათბობის უარყოფითი მხარეები:

  1. მთავარი უარყოფითი მხარე საწყისი ინვესტიციაა. ჩვეულებრივი ცენტრალური გათბობის სისტემისგან განსხვავებით, იატაკის გათბობის გამონტაჟება საკმაოდ დიდ ხარჯებთანაა დაკავშირებული. საშუალოდ ფასი ჩვეულებრივ , პანელური რადიატორებით აწყობილ სისტემასთან შედარებით 60-80%-ით მეტია.
  2. თუ იატაკზე ბეტონი უკვე დასხმულია, იატაკის გათბობის დამონტაჟებისათვის ან ამ ბეტონის აყრა იქნება საჭირო ან კიდევ დამატებით 5 სანტიმეტრამდე ფენის დამატება, რაც ჭერის სიმაღლის შემცირებასთნ ერთად სხვა უხერხულობებსაც გამოიწვევს.
  3. იატაკის გათბობა იდეალურად მუშაობს ქვის იატაკების შემთხვევაში. თუ ზედაპირი ხით იფარება, თბოგაცემა იკლებს.
  4. იატაკზე ვერ დააწყობთ გარკვეულ ნივთებს. ამიტომ ის ადგილები სადაც, მაგალითად, მაცივრის დადგმას ფიქრობთ, წინასწარ უნდა გაითვალისწინოთ და მილებისგან თავისუფალი უნდა დატოვოთ.

 

რჩევები 

  1. იატაკის გათბობის ერთ-ერთი ძვირი კომფონენტია საიზოლაციო სადები. ის სხვადასხვა თბოსაიზოლაციო მასალისგან მზადდება. შეიძლება ხელოსანმა გითხრათ, რომ ხარჯს აგარიდებთ, იწვალებს და სადების გარეშე გაგიკეთებთ გათბობას. არ დაუჯეროთ! ამ შემთხვევაში თქვენს იატაკთან ერთდ მეზობლის ჭერსაც გაათბობთ და საწვავზე გაწეული ხარჯის მნიშვნელოვანი ნაწილი უბრალოდ დაიკარგება.

  

  1. მაშინ როცა მხოლოდ მცირე ფართზე ყენდება იატაკის გათბობა, შეიძლება დამატებით საცირკულაციო ტუმბოსა და შემრევის დაყენებისგან თავი შევიკავოთ. თუმცა თერმოსტატის დამონტაჟება მაინც საჭიროა. ამ გზით თვიდან ავირიდებთ მილგაყვანილობაში ტემპერტურის რეკომენდირებულ დონეზე მაღლა აწევას. დიდი ფართების შემთხვევაში აუცილებელია შემრევის , საცირკულაციო ტუმბოსა და თერმოსტატის დამონტაჟება. შემრევი სისტემიდან გამომავალ წყალს ურევს ქვაბიდან გამოსულ ცხელ წყალს, თერმოსტატის მეშვეობით არეგულირებს ტემპერატურას და აბრუნებს იატაკის გათბობის სისტემაში.
  2. დამონტაჟებისას საიზოლაციო სადებები კედლებამდე არ უნდა მივიდეს. ამასთან სადებებს გარშემო უნდა დაუყენდეს სპეციალური წებოვანი ლენტი. ბეტონის დასხმის შემდეგ ლენტის კუმშვადი სტრუქტურა სადებებს მცირე დიაპაზონში მოძრაობის საშუალებას აძლევს. ამის გარეშე, გაცხელებული სადები შეიძლება უბრალოდ გატყდეს.
  3. თუ ლამინატის ქვეშ აკეთებთ იატაკის გათბობას, ლამინატის შერჩევისას ყურადღებით იყავით. იაფფასიანმა ლამინატმა შესაძლოა სიცხეს ვერ გაუძლოს და დაზიანდეს.

 

იატაკის გათბობის სისტემის კომპონენტები :

სხვა სიახლეები



title

01

ნოე


2016

კონდენსაციური ქვაბის ტექნოლოგია და უპირატესობები

title

01

ნოე


2016

Master-ის ინდუსტრიული დანიშნულების გამათბობლები

title

01

ოქტ


2016

აქცია მირაში!

ყველა სტატია