როგორ ავარჩიოთ გათბობის სისტემა | Mira.ge

შესვლა

გთხოვთ შეავსოთ ყველა ველი

მომხმარებელი ან/და პაროლი არასწორია

დაგავიწყდა პაროლი?

პაროლის აღდგენა

გთხოვთ შეავსოთ ყველა ველი

არასწორი იმეილის ფორმატი

მომხმარებელი ან/და იმეილი არასწორია

შესვლა

ახალი პაროლი გამოიგზავნება თქვენს იმეილზე.

ავტორიზაციის შემდგომ გთხოვთ შეცვალოთ პაროლი.

როგორ ავარჩიოთ გათბობის სისტემა

11 ოქტ. 2015

ზამთარი მოდის და ვიწყებთ ფიქრს როგორ გავათბოთ სახლი. აქ რამდენიმე ფაქტორი გვახსენდება. რა იქნება გათბობის მიმდინარე ხარჯი? რა დაგვიჯდება გათბობის სისტემის მონტაჟი და რა ეკონომიას მოგვცემს? რომელი ტიპის გათბობის სისტემა გვჭრიდება? ჩვენი ბინის ფართობს რა სიმძლავრის გამათბობელი ესაჭიროება? სად დავაყენოთ გამათბობელი და კიდევ სხვა დეტალები, რომლებიც ნელ-ნელა გამოაჩენს თავს.

დიახ, ნამდვილად რთული გადაწყვეტილების წინაშე დგახართ. იმედი გვაქვს ამ სტატიით ოდნავ მაინც გაგიმარტივებთ ცხოვრებას.

 

 რა აზრის ხართ წყლით გათბობის სისტემაზე? წყლის გამათბობელი ქვაბის და რადიატორების ერთობლიობა ორ პრობლემას ერთად გიგვარებთ; იღებთ აბაზანისთვის ცხელ წყალს და ათბობთ სახლს დიდი ენერგოეფექტურობით. სისტემის ენერგოეფექტურობას ძირითადად ორი ფაქტორი განაპირობებს:

  1. წყალი სითბოს გაცილებით კარგად ინახავს ვიდრე ჰაერი. შესაბამისად, ერთხელ გაცხელებული წყალი ცირკულაციისას სულ უფრო ნაკლებ ენერგიას საჭიროებს ტემპერატურის შესანარჩუნებლად.
  2. რადიატორებს ამონტაჟებთ თანაბრად მთელს ფართობზე. ეს განაპირობებს სითბოს თანაბარ გავრცელებას დაბალი დანაკარგებით.

ამგვარი გათბობის სისტემა, მართალია, საწყის ინვესტიციას შედარებით დიდს მოითხოვს, თუმცა წლების განმავლობაში გაწეული ეკონომია და კომფორტი ამად ღირს.

გათბობის სისტემის დამონტაჟების ხარჯი დამოკიდებულია გასათბობ ფართობზე. ამის მიხედვით იანგარიშება გათბობის ქვაბის სიმძლავრე, რადიატორების ზომა, რაოდენობა და გაყვანილობისთვის საჭირო მილები და ფიტინგები.

გათბობის ქვაბი შეიძლება იყოს ბუნებრივ აირზე, ელ. ენერგიაზე, დიზელზე ან პროპანზე მომუშავე. ჩვენ პირობებში ყველაზე დიდ ეკონომიას ბუნებრივ აირზე მომუშავე გათბობის ქვაბები იძლევიან.  ქვაბს აღწერაში უნდა ეწეროს კუბურ მეტრებში, თუ რა მოცულობის ფართობზეა გათვლილი. აქვე რეკომენდირებულია გაითვალისწინოთ თქვენი ფართის მახასიათებლები, რამდენად კარგად გაქვთ თბოიზოლაცია გაკეთებული. თუ ამ პრობლემასაც დროზე მიხედავთ, გათბობის ხარჯებს კიდევ უფრო შეამცირებთ.

ქვაბები გარდა იმისა რომ სიმძლავრით განსხვავდებიან, მნიშნელოვანია ყურადღება მიაქციოთ ენერგო ეფექტურობის კოეფიციენტს. გათბობის ქვაბებში 5 ქულიანი გრადაცია გვაქვს. საუკეთესო მაჩვენებელია 1 დონე, რომელიც უმაღლეს ენერგო ეფექტურობის მიღწევას ნიშნავს ულტრათანამედროვე ტექნოლოგიებით. ამგვარი ქვაბის ყიდვა ამ ეტაპზე შესაძლოა არც იყოს გამართლებული, რადგან ამგავრი ტექნოლოგიები ჯერ ფართოდ არ არის დანერგილი და დიდ ხარჯებთანაა დაკავშირებული. ოპტიმალური დონეა მე-2, კარგი ენერგო ეფექტურობა და მისაღები ფასი აბალანსებს ერთმანეთს, რაც საბოლოო ჯამში ყველაზე კარგ უკუგებას გვაძლევს ჩადებულ ინვესტიციაზე. ამგვარ დონეს ბაზარზე წამყვანი ბრენდები აღწევენ. უფრო დაბალი ენეროგეფექტურობის მქონე ქვაბების ყიდვა რეკომენდირებული არაა.

 

რადიატორი შეიძლება იყოს ორი სახის, სექციური ალუმინის და პანელური რკინის.  ეს უკანასკნელი უფრო იაფია. ორივეს შემთხვევაში თბოგაცემის კოეფიციენტი დამოკიდებულია მწარმოებელზე, თუ რა შენადნობი და კონსტრუქციაა გამოყენებული. პანელური რადიატორი შეგიძლიათ შეარჩიოთ ზომის მიხედვით, მაშინ როცა სექციური რადიატორის სიგრძე სექციების რაოდენობით დგინდება თქვენი სურვილის მიხედვით.  რადიატორების დამონტაჟებისას აუცილებელია პროფესიონალ დამგეგმარებელს მიმართოთ, რათა მაქსიმალურად ეფექტურად მოხდეს სისტემის მოწყობა. ეს დამატებით ეკონომიას მოგვცემს.

 საბოლოოდ, როცა შეკრებთ სისტემისთის საჭირო კომპონენტებს და დაითვლით ფასს, ამას უნდა დაამატოთ სისტემის ინსტალაციის საფასური.  ფასი დგინდება ფართობიდან და შესასრულებელი სამუშაოდან გამომდინარე.

 რადგანაც ჩვენთვის ამოსავალი წერტილი თქვენი ცხოვრების გამარტივებაა, შეგიძლიათ აირიდოთ ყველა ზემოთხსენებული პროცედურა ბმულზე გადასვლით, სადაც ალგორითმი ავტომატურად დაგითვლით თქვენი სისტემის კომპონენტებს და ფასს. უფრო მეტიც, ჩვენი გამოცდილი კადრები, უფასოდ დაგიყენებენ გათბობის ქვაბს, ხოლო მთლიანი გაყვანილობის ინსტალაციისას ისარგებლებთ ექსკლუზიური 50%-იანი ფასდაკლებით. 

სხვა სიახლეები



title

07

თებ


2017

იატაკის გათბობის შესახებ

title

01

ნოე


2016

კონდენსაციური ქვაბის ტექნოლოგია და უპირატესობები

title

01

ნოე


2016

Master-ის ინდუსტრიული დანიშნულების გამათბობლები

ყველა სტატია