გათბობის სისტემა დეტალებში | Mira.ge

შესვლა

გთხოვთ შეავსოთ ყველა ველი

მომხმარებელი ან/და პაროლი არასწორია

დაგავიწყდა პაროლი?

პაროლის აღდგენა

გთხოვთ შეავსოთ ყველა ველი

არასწორი იმეილის ფორმატი

მომხმარებელი ან/და იმეილი არასწორია

შესვლა

ახალი პაროლი გამოიგზავნება თქვენს იმეილზე.

ავტორიზაციის შემდგომ გთხოვთ შეცვალოთ პაროლი.

გათბობის სისტემა დეტალებში

23 ოქტ. 2015

ამ სტატიით დეტალებში აგიხსნით რისგან შედგება გათბობის სისტემა, რა ხარჯებს უნდა ელოდეთ, როგორ ეურთიერთოთ ხელოსნებს და სისტემის დამგეგმავებს.

ქვაბი - სისტემის მთავარი კომპონენტია გათობის ქვაბი. როგორ აარჩიოთ ქვაბი და სისტემის სხვა ძირითადი კომპონენტები, შეგიძლიათ ჩვენი მეორე სტატიიდან  გაიგოთ. აქ ერთ საკითხს აღვნიშნავთ, მიუხედავად იმისა, რომ ქვაბი ყველაზე ძვირადღირებული კომპონენტია სისტემაში, მისი ფასი საშუალოდ მთლიანი სისტემის მხოლოდ 60%-ს შეადგენს. ამიტომაც, როდესაც ნახავთ ქვაბს მაგალითად 1300 ლარად, მზად იყავით დაახლოებით 1000 ლარის დამატებითი ხარჯის გასაწევად.

ახლა განვიხილოთ დამატებითი 40% რაში გვეხარჯება.

რადიატორები - მეორე ყველაზე ძვირადღირებული კომპონენტი. 1 მეტრი რადიატორის ფასი 110 ლარიდან იწყება. 50 კვადრატულ მეტრ ბინას დაახლოებით 2,5 მეტრი დასჭირდება, 70-ს - 4 მეტრი და ა.შ. თუმცა ესეც ძალიან ინდივიდუალურია და დამოკიდებულია თქვენი ოთახების განაწილებაზე, გარე კედლების რაოდენობაზე, თბოიზოლაციაზე, ჭერის სიმაღლეზე.

საშრობი აბაზანისთვის - აბაზანის საშრობის ფასი ჩვენთან 62 ლარიდან იწყება. ფასი დამოკიდებულია საშრობის ზომაზე, მასალასა და დიზაინზე.

რადიატორების ონკანები - პატარა ონკანი ფასს მნიშვნელოვნად ზრდის. როდესაც ავიღებთ პასტას და ფურცელს და დავიწყებთ დათვლას, თუ რაში დაგვეხარჯა თანხა, ეს კომპონენტი არ უნდა გამოგვრჩეს. ერთ რადიატორს 2 ონკანი სჭირდება, ფასი ერთი ონკანისთვის 10 ლარიდან იწყება. მაგალითად, შესაძლოა თქვენს ბინას სჭირდებოდეს 2,5 მეტრი საერთო სიგრძის რადიატორი, თუმცა ოთახების განაწილების გამო ეს სიგრძე დაიყოს 5 რადიატორზე. მაშინ ონკანების საერთო ღირებულება 100 ლარი იქნება. ამას დაემატება აბაზანის საშრობის 2 ონკანი და დამატებით 20 ლარი, ჯამში 120 ლარი. ეს უკვე მთლიანი რადიატორების ფასის თითქმის ნახევარია.

გაყვანილობის მილები - ფასი დამოკიდებულია მილის ტიპზე. შესაძლოა აირჩიოთ ალუმინის იზოლირებული ფოლგირებული  (1 მეტრი 1,4 ლარიდან)ან  მეტალო პლასტმასის მინაბოჭკოვანი მილი (1 მეტრი 1,5 ლარიდან) . მილების საერთო სიგრძე დამოკიდებული იქნება ბინის მოწყობაზე.

ფიტინგები - ესაა მილების დამაკავშირებელი მუხლები და მცირე დეტალები, რომლებიც სისტემის აწყობისთვისაა საჭირო. ფასი შესაძლოა მილების საერთო ფასის 25-30% დაგიჯდეთ.

ქვაბის ჩამხსნელები - ერთ ქვაბს დასამონტაჟებლად დაახლოებით 30 ლარის ჩამხსნელი სჭირდება: ¾ დუიმიანი 2 ცალი, ½ დუიმიანი 2 ცალი, მექანიკური ფილტრი  ¾ დუიმზე, ფილტრი მექანიკური ½ დუიმზე, ვენტილი ½ და ¾ დუიმიანები თითო-თითო.

ქვაბზე  გაზის მიერთება  - ეს კიდევ დამატებით 20 ლარის მასალას ნიშნავს. ორი ადაპტორი ¾ და ½ დუიმიანები და გაზის მილი.

ქვაბის სტაბილიზატორი - ქვაბის უწყვეტად მუშაობისთვის და დენის ძაბვის ცვალებადობისგან დასაცავად რეკომენდირებულია სტაბილიზატორი. 400 ვატიანი სტაბილიზატორის  ფასი 70 ლარიდან იწყება.

ქვაბის ნამწვის გამწოვი მილი - იმ შემთხვევაში თუ საჭიროა გამწოვის დამატებითი დაგრძელება, 1 მეტრის გამწოვი მილის 50 ლარი ღირს.

 

ახლა უკვე იცით დეტალებში რისგან შედგება ჩვენი გათობის სისტემა. თუ ჩვენი ინჟინერი (ან სხვა ინჟინერი ) დაგელაპარაკებათ ამ ტექნიკური ტერმინებით, თქვენი პროფესიული ცოდნით ნამდვილად გაოცდება. 

სხვა სიახლეები



title

07

თებ


2017

იატაკის გათბობის შესახებ

title

01

ნოე


2016

კონდენსაციური ქვაბის ტექნოლოგია და უპირატესობები

title

01

ნოე


2016

Master-ის ინდუსტრიული დანიშნულების გამათბობლები

ყველა სტატია