როგორ ავარჩიოთ კუთხსახეხი | Mira.ge

შესვლა

გთხოვთ შეავსოთ ყველა ველი

მომხმარებელი ან/და პაროლი არასწორია

დაგავიწყდა პაროლი?

პაროლის აღდგენა

გთხოვთ შეავსოთ ყველა ველი

არასწორი იმეილის ფორმატი

მომხმარებელი ან/და იმეილი არასწორია

შესვლა

ახალი პაროლი გამოიგზავნება თქვენს იმეილზე.

ავტორიზაციის შემდგომ გთხოვთ შეცვალოთ პაროლი.

როგორ ავარჩიოთ კუთხსახეხი

15 თებ. 2016

კუთხსახეხი... გეცნოთ სახელი? შეიძლება უფრო ბარგალკა გსმენიათ, ეს რუსულად, ინგლისურად - angle grinder. ესაა ხელოსნისთვის შეუცვლელი იარაღი. გამოიყენება საჭრელად (ძირითადად რკინის), ზედაპირის დასამუშავებლად და საპრიალებლად.

კუთხსახეხის გამოყენებისას აუცილებელია სიფრთხილის ზომების მიღება. საჭრელი დისკი, წუთში 8000-11000 ბრუნს ავითარებს. ადვილი წარმოსადგენია თუ რა სახის დაზიანება შეიძლება მივიღოთ დისკის ან დასამუშავებელი ზედაპირის ნატეხის სხეულზე მოხვედრისას. ამიტომაც დაუშვებელია დისკის დამცავის მოხსნა მექანიზმიდან, რასაც სამწუხაროდ ბევრი აკეთებს. რეკომენდირებულია სათვალის ტარებაც მუშაობისას. დისკების დიზაინი ისეა შექმნილი, რომ გატეხვისას დიდ ნაწილებად არ იშლება, რაც სხეულის სერიოზულ დაზიანებებს გამოიწვევდა. თუმცა, ამაზე ბოლომდე ნდობაც არ შეიძლება, განსაკუთრებით უხარისხო დისკების შემთხვევაში.

კუთხსახეხის არჩევისას უნდა გავითვალისწინოთ რამდენიმე კრიტერიუმი:

სიმძლავრე - შემავალი სიმძლავრე ვატებში განსაზღვრავს მექანიზმის შესაძლებლობებს. რაც უფრო დიდი დისკი უყენია კუთხსახეხს მით უფრო მძლავრი ძრავი სჭირდება. 500 ვატიდან რამდენიმე კილოვატამდე მერყეობს კუთხსახეხის სიმძლავრე. მძლავრი არ ნიშნავს უკეთესს, უბრალოდ სიმძლავრე თქვენს მოთხოვნილებებს უნდა შეესაბამებოდეს.

დისკის დიამეტრი - 115 და 125 მილიმეტრიანი კუთხსახეხები პატარა ზომისად ითვლება. მსგავსი დისკით შესაძლოა მცირე სიღრმის ჭრების გაკეთება და ზედაპირის დამუშავება. რაც უფრო დიდია დისკის ზომა მით უფრო იზრდება ჭრის სიღრმე. 230 მმ ზომის დისკი უკვე დიდ კუთხსახეხებში გვხვდება და ძირითადად ხელოსნები იყენებენ.

დისკის სიჩქარე - რაც უფრო პატარაა დისკი მით უფრო სწრაფად ბრუნავს. ეს წესი ზოგადად ამართლებს კუთხსახეხებში. სიმძლავრე ნაკლებია თუმცა სიჩქარე მეტი. მაშინ როცა 230 დისკიანი ბარგალკა წუთში 5000 ბრუნს აკეთებს, 125 მმ-იანი 11000-მდე ადის. ბარგალკის არჩევისას ყურადღება უნდა მივაქციოთ აქვს თუ არა მას ნელი სტარტის (soft start) ფუნქცია. ეს საშუალებას გვაძლევს დაბალ სიჩქარეზე დავიწყოთ მუშაობა, რაც ხელსაწყოს მართვას აადვილებს. ასევე, ზოგიერთ კუთხსახეხს აქვს სიჩქარეების რეგულირების ფუნქცია, რაც დამატებითი კომფორტია.

ძრავის კვების წყარობარგალკა შესაძლოა მუშაობდეს 110-230 ვოლტზე დენის წყაროზე პირდაპირი მიერთებით. ასევე, პატარა სიმძლავრის კუთხსახეხები არის ელემენტებზეც, თუმცა შედარებით ძვირია. არსებობს ჰაერის წნევაზე მომუშავე ბარგალკები. ეს გაცილებით ეკონომიურია და მექანიზმიც უფრო მარტივი და გამძლეა. ბრუნვით მოძრაობას ქმნის შემავალი ჰაერის ნაკადი, რომელიც კომპრესორიდან მოედინება. ამ ტიპის მოწყობილობებს უფრო სახელოსნოებში თუ შევხვდებით.

დისკის სახეობები:

მეტალის საჭრელი აბრაზიული დისკი :  მეტალის ჭრა, მეტალის ხელსაწყოების ალესვა, ზედაპირის დამუშავება
 ალმასის პირიანი საჭრელი დისკი: სხვადასხვა ზედაპირი საჭრელად, აქვს თვითგაგრილების ფუნქცია.
 სეგმენტირებული ალმასის პირიანი დისკი: გამოიყენება ქვაზე და ბეტონზე სამუშაოდ.
 ცირკონის ზედაპირიანი დისკები: მეტალის ზედაპირის დასამუშავებლად
 ტიტანის ჩოთქიანი დისკები: საღებავის ზედაპირის მოსაჭორებლად
 

 

 

 

 

საპრიალებელი დისკები: გამოიყენება მეტალის, ხის, გრანიტის, აგურისა და ქვის ზედაპირიდან საღებავის და მსგავსი მასალების ასასუფთავებლად.

სხვა სიახლეები



title

07

თებ


2017

იატაკის გათბობის შესახებ

title

01

ნოე


2016

კონდენსაციური ქვაბის ტექნოლოგია და უპირატესობები

title

01

ნოე


2016

Master-ის ინდუსტრიული დანიშნულების გამათბობლები

ყველა სტატია